خليتي لي ثيااب,,,؟؟؟!!!!!

**دانتيلا _كيوت** · 2010-07-01, 01:38

مرحبااا

اكيد الكل بيستغرب من العنوااااان ,,,,,,,,, بس لازم اقوول للناس واحذرهم من ها الاشكال من البشر

قبل ما ابدى بسالفتي,,,,,,,
كان خاطري اتحنى وكنت حامل,,,, فمره كانت حرمة اخو ريلي تقول اعرف حنايه تحني ورخيصه وتي البيت
قلت لها خلاص اباها تحنيني خاطري في الحنى... المهم اتصلت لها وطلبتها
قلت لها فلانه انتي مشغوله اليوم الفلاني قالت نو قلت لها خلاااص تعالي وحنيني
قالت اوكي... المهم يت وقبل ما تحنيني ضيفتها... الحرمه عايشه في الامارات و ترمس شراتنا وكل شي شراتنا بس هي بدون,,,,

المهم رويتها النقشه الي اباهاا و الحرمه بدت تحني وهي تحنيني ... تشتكي والله انا زوجي ميت و عندي يهال 2 ولد وبنت و ماقدر اصرف والكهربا وعمليه وماعندي سياره و وو و وو و و و,,,,,,,

انا قلبي عورني واسايرهاااا مشكلتي اصدق بسرعه لول
وتحنيني واشووفها تقول لا بسوي جي ولا بحنيج جي .. المهم قلت فكيني خلصي

وليييين خلصت هي بطيئه تسولف وتشتكي وترمس
يوم خلصت جان اقولها هاا كم جان تقول والله اي شي بيي منج عادي
جان اقولها انتي كم تبين جان تقول المبلغ الفلاني ,, المهم قمت وعطيتها زياده لانها تشتكي تقول ماشي كهربا في بيتهااا

......................
عقب فتره تقريبا 7 او 8 شهوور
تتصل ع تلفوني بس انا ماعرف رقمهااا وتتصل وتتصل
ماعرف الرقم مستحيل ارد
المهم ونحن يالسيين في الصاله اسمع دق ع الباب لول
دق بمفتاااح السياره وقوو
جان انقز واقووول منوه منوه ماترد
دشيت في غرفتي وخبرت ريلي طلع ريلي و رد عليه قال حرمه

قلت منوووه
يوم طلعت شفتها
سلمت عليها وتميت اسولف وياهاا
قالت مبروك يبتي بنت

قلت لها لا يبت ولد
وضيفتهااا , شوووي جان تقول ::: خليتي لي ثيااب ؟؟؟

انصدممممممت وفي نفس الوقت ويهي عورني وتلومت ماحب جي

وانا بروحي مزجمه قلت يمكن نسيييت,,, جان اقولها ماذكر انج قلتي لي ابا ملابس
قاالت اووو

عيل انا قلت للكل

ونسيت اقولج ماشاء الله كم وحده طالبه منهااااا

المهم قلت لها صبري بيب لج شيل وملابس

جان تقول اوكي
وفجأه يوم دشيت غرفتي اسمعها تزقرني ,,,

ويوم طلعت جان تقول وابا 500 درهم حق العمليه حق ولدي ,,,,

جان اقولها سمحي لي ماعندي ان شاء الله قبل رمضان تعالي
وانا صدق الحين شووي في ضيييقه ماليه

المهم
قالت سووري ماعرف شوو وطلعت
شلت الاغراض وطلعت
::::::::::::::::::::::::

كتبت لكم قصتي عشاان تتحذروون من ها الناااس
انا وحده احب اسااعد بس هي تتمادى

والطلابات قبل كانن يوقفن برع البيييت والحين يدشن داخل

والسموحه يعني

المزيد من آخر المواضيع من نفس القسم:

*** ام خماس *** · 2010-07-01, 01:55

الله المستعاان

**tmyz** · 2010-07-01, 02:00

next time.. don't even open the door for her

**غرنوقـ ـ ـ ـة** · 2010-07-01, 02:06

والله يا اختي صار لنا اليوم موقف مشاابه لموقفج

يت حرمة بيتنا ودشت الصاله على طووووول
وقعدت تسولف وتسولف وتسولف واخر شيء طلبت بيزات وراحت !__!

الصراحه تنصدمين في هالمواقف ما تعرفين شو تسوين
تعطينها والا شوو ؟ المشكله نتلوم فيهم ><

والمصيبه يوم يردوون وكل يوم والثاني يايين ؟؟؟؟؟

ما اعرف شو التعامل اللي لازم يكون معاهم >.<

**Maria_Louisa** · 2010-07-01, 02:17

المفروض نبلغ عليهم..
لوعوا بجبودنا هالطلابات كل مكان في المول.. في البيت .. في السوق .. في الباركنج!! اوفف اكرهم مشوهين صورة البلاد و القهر يلبسون شيلة و عباة جنهم مواطنين و مناك هم طلالييب

**Jathebeyah** · 2010-07-01, 02:23

انا يظحكوني الطلابات الي يدشون البيت ويلسون في الصالة
انزين عطيناها فلوس تمت يالسة
شوي تقول اووه حر ابا ماي
يبنالها ماي
ونحن نطالع تلفزيون .. وهي يالسة
أذن العصر .. اذن المغرب .. العشا
وهي بعدها
شو ماشي احساس خخخخخخخخخخخخخخخخخخخخخ

**عذّبني وتركني** · 2010-07-01, 02:28

يبيلهم تشتكون عليهم بالشرطه
طلابات موديرن
ما ينطرون عند الباب لااااا بروحهم يعزمون نفسهم ويدخلون
كأنهم من اهل البيت
عافانا الله

**دموع النور** · 2010-07-01, 02:40

الله المستعان

***فراولة*** · 2010-07-01, 09:49

هذي الاشكال يبغالها كف و سدحة خيزران من الخاطر ..لانهم اولا لا احترام للناس و خصوصياتهم و ثانيا ...هالمذلةالي من صدق تقهر المفروض نقول لهم ستوب ..احمدي ربج ان عندج شغلة ......غيرها ما حصل شغلة تكفيه عن السؤال ...

المفروض الصدقة تكون للمتعففين .. الي صدق محتاجين و كرامتهم تمنعهم من مد اليد و السؤال ...
اصلا الشحاتة صارت شغلة للبعض .. و للاسف اغلبهم ما يحتاجون و الامثلة كثيرة

انا مب ضد الصدقة و التبرع و لكن ضد استغلال باسم الحاجة و الصدقة ....

لا للشحاتة المتذللة ..( تتذللة عسب تكسر الخاطر ....)

**Cute_1990** · 2010-07-01, 12:03

يا قوة عينهن
حبيبتي لو تبين تتصدقين لا تتصدقين ع هالأشكال
في جمعيات خيريه و عوايل صدق محتاجه ماعندهم دخل ( ع الأقل هاي اتمشي حالها بالحنى وجي )

**Just Pearl** · 2010-07-01, 12:17

الله يعين ... هذه الفئة واايد منشرة

**T H E E N D** · 2010-07-01, 13:14

ويا راسها بعد تتشرط... صدق ماينعطون ويه هالفئة!

**فقيره لله** · 2010-07-01, 14:17

سبحان الله

الله يهديهم ان شآءالله

**فقيره لله** · 2010-07-01, 14:22

المشاركة الأصلية كتبت بواسطة T H E E N D

ويا راسها بعد تتشرط... صدق ماينعطون ويه هالفئة!

اختي اي فئة تقصدين اذا تقصدين فئة البدون انا بدون والحمدلله الوالد والوالده لو مظغوطين بس ما يمدوون يديهم ع اي حد ويطلبون والحمدلله حتى عمامي اللي مواطنين ابويه ما يطالب منهم والحمدلله مب مخلي علينا قاصر وارد اقولج ترا مب كل اصابع سوا والناس اجناس والسموحه

**جزيرة الأمان** · 2010-07-01, 14:40

من كم يوم يتنا وحدة، أبوي فتح لها الباب وسألها من تبين؟ قالت أبا المدام أبا أسلم عليها، ودخلت وفتحت باب الصالة واتفضلت ويلست، طلعت أمي من الغرفة شافتها واستغربت، سلمت على أمي وقعدت تسولف، فعرفت أمي إنها تبا مساعدة، بس أبوي أتصل على أمي ولما عرف إنها من الطلابات قال لها لا تعطينها شي، لأنها كانت أتكلم أبوي وحسسته إنها أتعرف أمي.. أعتقد إنها تستااااااااااااااهل..

الموضوع: خليتي لي ثيااب,,,؟؟؟!!!!!

أدوات الموضوع

عرض

خليتي لي ثيااب,,,؟؟؟!!!!!

المزيد من آخر المواضيع من نفس القسم:

المواضيع المتشابهه

ثيااب صلاة قطنية وآآسعه ومرييحه . , *

يوم عرسج .... وين خليتي ولدج ؟ ^_^

وين المعزه ..انتي خليتي فيها شي )

كيف خليتي ولدج / بنتج تشرب الحليب من الكوب؟